Herlögreglumenn á Keflavíkurflugvelli handtóku hermenn sem millilentu þar

Herlögreglumenn á Keflavíkurflugvelli handtóku hermenn, sem voru í C-23 herflugvélum sem millilentu á vellinum í dag á leið frá Miðausturlöndum til Bandaríkjanna.

Fram kom í fréttum Sjónvarpsins að lögreglan hefði handjárnað nokkra hermenn. Þar var haft eftir Friðþór Eydal, blaðafulltrúa varnarliðsins, að herlögreglan hefði haft afskipti af nokkrum hermönnum vegna tiltekins máls. Morgunblaðið greinir frá.