Heitavatnslaust í efri byggð Keflavíkur, Sandgerði og Garði
Heitavatnslaust er nú í efri byggð Keflavíkur, í Garði og Sandgerði eftir að þrýstingur féll á kerfinu.
Í svari frá HS Veitum segir: „Við þær aðstæður sem nú eru í hitaveitunni, eftir að hraunrennsli skemmdi hitaveituæðina frá Svartsengi til Fitja, næst ekki að halda fullum þrýstingi í þeim hverfum sem lengst eru frá dælustöð. Hefur það þær afleiðingar í för að á sumum svæðum er þegar farið að bera á minna heitavatns rennsli, svo sem í Garði, Sandgerði, í efri byggðum Keflavíkur, í innri Njarðvík og í Vogum.“