Heimatilbúin flugeldasprengja fannst við vatnstankinn í Keflavík
Heimatilbúin sprengja samsett úr flugeldum fannst við vatnstankinn ofan Háaleitis í Keflavík í dag. Lögreglunni barst ábending frá vegfaranda um málið.
Lögreglan á Suðurnesjum tók sprengjuna og sagði foreldrum að brýna fyrir börnum sínum hversu hættulegt það væri að eiga við flugvelda líkt og hér var gert.
„Einnig geta gamlir flugeldar sem hafa ekki verið geymdir við réttar aðstæður reynst mjög varasamir. Förum gætilega með flugelda, alltaf,“ segir lögreglan.
