Heimamenn byggja þjónustuhúsið við Bláa lónið

Eins og við greindum frá í morgun er Bláa lónið að fara í framkvæmdir við þjónustuhús við bílastæði lónsins, þar sem jafnframt verður rekin upplýsingaþjónusta fyrir Reykjanes.

Leitað var tilboða hjá nokkrum góðum byggingaverktökum á Suðurnesjum en fyrirtækið taldi mikilvægt að verkið yrði unnið af heimafyrirtæki, segir Magnea Guðmundsdóttir, kynningarstjóri Bláa lónsins við Víkurfréttir.

Leitað var til HH Verktaka, Grindarinnar og Húsagerðarinnar og áttu HH verktakar í Grindavík besta tilboðið í verkefnið.

Vonast er til að framkvæmdir hefjist innan tveggja vikna og að húsið verði tekið í notkun um miðjan júní.