Hefja viðræður um byggðasamlag um brunavarnir
– áfram verði starfandi slökkvilið í Grindavík
Bæjarráð Grindavíkur hefur samþykkt að hefja viðræður við önnur sveitarfélög á Suðurnesjum um byggðasamlag um brunavarnir. Bæjarstjóri og forseti bæjarstjórnar gerðu á fundi bæjarráðs grein fyrir umræðum á fundi með starfsmönnum Slökkviliðs Grindavíkur sem fram fór 22. september sl.
„Hvað svo sem viðræðurnar leiða í ljós er skýr krafa Grindavíkurbæjar að áfram verði starfandi slökkvilið í Grindavík og að slökkvistöð og búnaður verði áfram af sambærilegum gæðum og nú er,“ segir í fundargerð bæjarráðs Grindavíkur.
Að greiningarvinnu lokinni skal leggja þær niðurstöður fyrir bæjarráð, áður en viðræðum verði haldið áfram.
