Harður árekstur á hringtorgi og beltislausir ökumenn

Ökumaður var fluttur með sjúkrabifreið á Heilbrigðisstofnun Suðurnesja um helgina eftir að hann hafði ekið inn í hliðina á annarri bifreið á hringtorgi. Hann kenndi eymsla í hálsi. Fjarlægja þurfti bifreiðina, sem ekið var á, með dráttarbíl af vettvangi. Annar ökumaður bakkaði bifreið sinni á aðra, kyrrstæða og mannlausa.

Þá kærði lögreglan á Suðurnesjum sex ökumenn um helgina fyrir að nota ekki öryggisbelti við aksturinn, auk þess sem fjórir til viðbótar gerðust brotlegir við umferðarlög með öðrum hætti.