Handtóku innbrotsþjófa í Garðinum

Í nótt um kl. 01 var tilkynnt um innbrot í bensínstöðina í Garðinum. Hurð á suðurhlið hússins hafði verið brotin upp. Búið var að stela nokkrum pökkum af tóbaki úr verslun bensínstöðvarinnar.

Vitni sáu til nokkra pilta hlaupa frá staðnum. Síðar um nóttina voru höfð afskipti af tveimur piltum, 15 og 16 ára, sem viðurkenndu að hafa brotist inn í félagi við þrjá aðra pilta.

Kl. 03:45 var tilkynnt að búið væri að brjóta rúðu í útidyrahurð verslunarinnar Samkaup í Garði.Ekki hafði verið farið inn í verslunina.