Halldór skólastjóri Tónlistarskóla Sandgerðis

Halldór Lárusson verður næsti skólastjóri Tónlistarskóla Sandgerðis. Þetta var samþykkt á fundi bæjarráðs Sandgerðis í síðustu viku.

Halldór Lárusson hefur verið kennari við Tónlistarskóla Sandgerðis í átta ár og síðustu tvö árin sem starfandi skólastjóri í forföllum Lilju Hafsteinsdóttur sem lætur af störfum á þessu ári.

Hann hefur víðtæka reynslu og menntun sem tónlistarmaður og af margskonar störfum með börnum og ungmennum.

Halldór var kjörinn bæjarlistamaður Grindavíkur árið 2014.