Hafna grófri vinnslu á jarðvegsúrgangi
– á jarðvegstippnum ofan Byggðavegar í Sandgerði
Bæjarráð Sandgerðisbæjar telur ekki rétt að samningur við Steintak ehf. um rekstur á jarðvegstippnum ofan Byggðavegar verði staðfestur. Rökin fyrir því eru af tvennum toga.
Annars vegar telur bæjarráð hættu á að starfsemin myndi valda íbúum í nærliggjandi hverfi ónæði vegna hávaða, umferðar þungavinnutækja og rykmengunar.
Hins vegar fellur starfsemin sem þar færi fram ekki vel að verkefninu Yndisgróður sem unnið hefur verið að undanfarin ár í samvinnu við Landbúnaðarháskólann á Hvanneyri.
Bæjarráð Sandgerðis segir að með þessi sé ekki að leggja til að jarðvegstippurinn ofan Byggðavegar verði lagður af heldur er því hafnað að þar fari fram gróf vinnsla á jarðvegsúrgangi.
Bæjarstjórn Sandgerðis mun afgreiða málið endanlega í dag.
