Gunnar Már nýr formaður knattspyrnudeildar Grindavíkur

Gunnar Már Gunnarsson var kjörinn nýr formaður knattspyrnudeildar Grindavíkur á framhalds aðalfundi deildarinnar og tekur hann við af Jónasi Þórhallssyni en hann gaf ekki kost á sér lengur sem formaður. Fundurinn um helgina var framhald af aðalfundi sem haldinn var í mars og því þurfti að halda framhaldsaðalfund þar sem að ný stjórn yrði kjörin.

Gunnar Már Gunnarsson, nýr formaður deildarinnar var einn í framboði og samþykktur samhljóða. Með honum í stjórn voru kjörnir með leynilegri kosningu þar sem 7 buðu sig fram í 6 laus sæti:
Helgi Bogason, Jón Þór Hallgrímsson og Sigurður Halldórsson. Þórarinn Ólafsson, Þórhallur Ágúst Benónýsson og Hjörtur Waltersson koma allir nýir inn í stjórnina.
Almar Sveinsson, Jóhann Ingi Ármannsson og Ragnar Ragnarsson sem setið hefur í stjórn í áratugi ganga úr stjórn.

Varastjórn deildarinnar skipa eftirtalin:
Jónas Þórhallsson, Jóhann Ingi Ármannsson, Ragnar Ragnarsson, Rúnar Sigurjónsson, Petra Rós Ólafsdóttir og Pétur Pálsson.