Grindvísk skólabörn í fríi

Grunnskólanemendur í Grindavík eiga frí frá skólanum í dag og á morgun þar sem þessa daga eru skipulagsdagar Grunnskóla Grindavíkur. Starfsfólk Grunnskólans fer í vettvangsheimsóknir á mánudeginum en þriðjudagurinn er tileinkaður námsmatsvinnu.

Álftanesskóli og Salaskóli í Kópavogi verða heimsóttir en báðir skólarnir eru uppbyggingarskólar eins og Grunnskóli Grindavíkur og hafa unnið vel í námsmati. Einnig er Salaskóli leiðandi í notkun Ipada í kennslu og verður gaman að kynnast því hvernig þeir vinna.