Grindvíkingar vilja skoða sameiningu Kölku við Sorpu

Fulltrúi Grindavíkurbæjar lagði fram á síðasta fundi stjórnar Sorpeyðingarstöðvar Suðurnesja að sameiningarviðræður við Sorpu yrðu endurvaktar en erfið fjárhagsstaða Kölku hefur verið til umræðu að undanförnu.

Páll J. Pálsson, fulltrúi Grindvíkinga í stjórn stöðvarinnar sagði á fundi hennar nýlega að í ljósi þess að enn væri ekki komin framtíðar niðurstaða í rekstrarfyrirkomulagi Sorpeyðingarstöðvar Suðurnesja og Kölku væri ljóst að Kalka hefði margt fram að færa í samstarfi við Sorpu, ekki síst eina fullkomnustu sorpbrennslustöð landsins með talsverða stækkunarmöguleika til framtíðar. „Það eru verðmæti sem vert er að meta hátt inn í samstarfið. Fari svo að skuldir félagins verði hærri en þær eignir sem lagðar yrðu inn í Sorpu, mætti hugsa sér að gjaldskrá á Suðurnesjum yrði óbreytt á meðan skuldir yrðu greiddar niður. Að þeim tíma liðnum myndi gjaldskráin breytast til samræmist við önnur þjónustusvæði Sorpu.