Grindvíkingar undirbúa stofnun minjafélags

Nokkrir einstaklingar í Grindavík undirbúa nú stofnun minjafélags í Grindavík en nýverið var haldinn kynningarfundur vegna hugsanlegrar stofnunar á slíku félagi í bænum.

Á fundinn mættu fjórir gestir frá Minjafélagi Vatnsleysustrandarhrepps og kynntu þau starfsemi félagsins. Átta áhugasamir Grindvíkingar mættu á fundinn og var hugur í fólki um að stofna til sambærilegs félags í Grindavík.

Unnið er í því að finna aðila til að vera í stjórn slíks félags og þegar það liggur fyrir verður boðað til formlegs stofnfundar.