Greiða 30.000 króna sekt fyrir sófakast í Krísuvík

Karlarnir tveir sem hentu sófa og tveimur stólum fram af Krísuvíkurbjargi í október síðastliðnum þurfa að greiða 30.000 krónur hvor í sekt. Frá þessu er sagt á Vísi. Þeim verður þó ekki gert að sækja sófana þar sem það er umfangsmikið og hættulegt verk.

 

Áhugaljósmyndari sá karlana tvo við Krísuvíkurbjarg og festi sófakastið á mynd. Í viðtali við Bylgjuna næsta dag sögðust þeir í fyrstu hafa talið þetta fyndið en að eftir á hafi þeir séð eftir athæfinu.

 

Brotið var framið í umdæmi lögreglustjórans á höfuðborgarsvæðinu en á Vísi kemur fram að Lögreglan á Suðurnesjum hafi óskað eftir því að sjá um að ljúka málinu.