Gott atvinnuástand á Suðurnesjum

Atvinnuástand á Suðurnesjum hefur ekki orðið fyrir áþreifanlegum áhrifum vegna samdráttar í þjóðfélaginu, að sögn Önnu Bjargar Þormóðsdóttur, ráðgjafa hjá Svæðisvinnumiðlun Suðurnesja.
„Nú eru 28 manns á skrá hjá okkur og kynjaskiptingin er nokkuð jöfn, en í sumar voru fleiri karlmenn á skrá hjá okkur sem er fremur óvenjulegt. Atvinnuástandið hefur alla jafna verið gott í sumar og það virðist vera svipað í öllum bæjarfélögum á Suðurnesjum“, segir Anna Björg.
Um mánaðarmótin síðustu urðu mannabreytingar hjá Svæðisvinnumiðlun Suðurnesja þegar Helga Rósa Atladóttir, þjónustufulltrúi tók við af Ragnheiði Gunnarsdóttur.