Góður afli hjá línubátum Þorbjörns Fiskaness

Afli fimm línuskipa Þorbjarnar Fiskaness hf. hefur verið með ágætum undanfarnar vikur.
Heildarafli þeirra frá áramótum og fram að páskum er um 3.400 tonn og hefur fiskurinn  verð vænn og vel haldinn að því er fram kemur á heimasíðu fyrirtækisins. Þá hefur samsetning aflans verið hagstæð fyrir vinnslur fyrirtækisins.
Þorskurinn hefur að mestu verið verkaður í saltfiskflök, ýsan flökuð og flutt fersk á markað erlendis en aðrar tegundir seldar á fiskmarkaði. Verð á því sem selt hefur verið á innlendum fiskmarkaði hefur verið mjög lágt að undanförnu (sbr. töflu) um meðalverð eftir tegundum síðustu fimm ára.

 

 

Tegund:	2001	2002	2003	2004	2005
Ýsa	194	239	154	112	104
Keila	77	108	93	51	50
Langa	122	168	146	84	84

 

Af vef Þorbjarnar Fiskaness