Góð veiði hjá netabátunum

Nokkuð góð netaveiði hefur verið hjá Suðurnesjabátunum undanfarið. Grímsnes GK úr Grindavík landaði 78 tonnum úr fjórum róðrum, mest 19 tonn í einum róðri og er efstur á lista Aflafrétta yfir aflahæstu netabátana í september.
Maron GK hefur landað í Njarðvík en hann var með 78 tonn í 16 róðrum í september og er fjórði aflahæsti netabáturinn. Þá var Happasæll KE með tæpt 21 tonn en hann hefur landað í Keflavík og Sandgerði. Marta Ágústsdóttir GK var með rúm 20 tonn en báturinn landar í Grindavík.