Góð samvinna lögregluembætta: Fundu stolinn bíl á 20 mínútum

Um hádegið í gær, fimmtudag, var tilkynnt að bifreið hafi verið stolið utan við bílasölu í Njarðvík seinni part dags á miðvikudag, en kom ekki í ljós fyrr,  að bifreiðin var horfin. 

 

Lögreglan í Keflavík hafði strax samband við fjarskiptamiðstöð lögreglunnar, sem kallaði út  tilkynningu til allra lögreglubifreiða á Stór-Reykjavíkursvæðinu og víðar, um þjófnað á bifreiðinni.

 

Tuttugu mínútum síðar fundu lögreglumenn í Reykjavík bifreiðina þar sem henni var ekið um götur borgarinnar.