Gestum Duushúsa fækkaði um 6%

Gestum Duushúsa í Reykjanesbæ fækkaði um 6% á milli ára og komu alls 34.684 gestir í safnið árið 2013. Helstu ástæður má rekja til þess að færri tónleikar voru í húsinu og einnig var minna um fundi og ráðstefnur.

Á sama tíma varð hins vegar  30% aukning á erlendum ferðamönnum. Þeir voru 1.812 árið 2012 en 2.493 í fyrra og einnig var mikil fjölgun á nemendaheimsóknum.

Framkvæmdastjóri menningarsviðs Reykjanesbæjar bendir á að gestafjöldi Duushúsa er enn margfalt hærri en gengur og gerist hjá sambærilegum söfnum.