Gervitunglamynd sýnir þrýsting og kvikuganginn stækka

Gervitunglamynd sem barst Veðurstofu Íslands í gærkvöldi sýnir að kvikugangurinn milli Keilis og Fagradalsfjalls er að stækka og það er að byggjast upp þrýstingur í honum. Þetta hefur mbl.is eftir Kristínu Jónsdóttur, fagstjóra á sviði náttúruvár hjá Veðurstofu Íslands.

Heildarfjöldi jarðskjálfta í hrinunni sem staðið hefur í hálfan mánuð fór yfir 34.000 í morgun. Það sem af er þessum sólarhring hafa orðið þrír öflugir skjálftar. Sá stærsti var upp á M5,0 í nótt. Annar upp á M4,6 varð rétt fyrir kl. 09 í morgun og þriðju skjálftinn sem fór yfir fjóra varð núna um kl. 15 í dag. Sá mældist M4,3 og varð 2,3 km. SSA af Fagradalsfjalli.

Krist­ín seg­ir gervi­tungla­mynd­ina benda til þess að það sé frek­ar stöðugt flæði kviku inn í kviku­gang­inn. „Síðan bregst jarðskorp­an þannig við að það verður hrinu­kennd jarðskjálfta­virkni og ein­staka sinn­um stærri skjálft­ar,“ segir hún í viðtalinu við mbl.is.

Hún segir að á meðan þetta er í gangi þurfi að gera ráð fyrir að gera ráð fyrir að líkurnar á gosi aukist. „Auðvitað er þetta búið að standa yfir í nokkra daga og við erum ekki að sjá nein merki þess að þessu muni linna. Mögu­leik­inn á eld­gosi verður alltaf lík­legri, eft­ir því sem líður á,“ segir Kristín Jónsdóttir í fréttinni.