Gerðaskóli einsetinn í haust

Gerðaskóli í Garði verður einsetinn í haust. Nú stendur yfir lokaframkvæmd við fjórar nýjar kennslustofur en þar er Húsagerðin aðalverktaki. Einnig verið tekinn í notkun nýr samkomusalur, en framkvæmdum við hann mun að fullu ljúka á næsta ári.Að sögn Sigurðar Jónssonar, sveitarstjóra Gerðahrepps, er einnig unnið að því að bæta vinnuaðstöðu kennara við Gerðaskóla og þegar skólinn byrjar að nýju í haust verður búið að bylta öllum aðbúnaði fyrir bæði nemendur og starfsfólk. Þá eru yfirvöld í Garði að skoða lagfæringu á lóð skólans.
Sigurður sagði uppbyggingu skólans ekki vera lokið þó svo hann verið einsetinn frá og með næsta hausti. Þannig eru áætlanir uppi um frekari uppbyggingu á síðari hluta þess kjörtímabils sem nú er nýhafið. Þar verður byggt upp stærra bókasafn og tölvuver fyrir skólann.