Gengu í tvo og hálfan tíma til að slökkva í mosabruna

Slökkvilið Grindavíkur átt annasaman dag á laugardaginn en það þurfti að sinna tveimur útköllum í gryfjunni og við Kleifarvatn.

Slökkviliðið var kallað út kl. 18 á laugardaginn vegna mosabruna við Kleifarvatn. Til þess að komast að brunastað þurftu slökkviliðsmenn að ganga í um tvær og hálfa klukkustund. Grafa þurfti skurði meðfram mosabrunanum til að hefta útbreiðslu hans.

Stóð slökkvistarf yfir til að ganga fjögur um nóttina og naut slökkviliðið aðstoðar björgunarsveitarinnar Þorbjörns í Grindavík við að koma reykköfunartækjum og fleiru á brunastað.

Á laugardeginum var slökkviliðið síðan kallað út vegna elds í gryfjunni vestur af Grindavík. Greiðlega gekk að slökkva eldinn.
---

Heimild: www.grindavik.is