Garður: Tekjur 90 milljónum meiri en áætlað var

Bæjarráð Garðs hefur samþykkt að gera breytingar á fjárhagsáætlun 2009 þar sem tekjur sveitarfélagsins eru 89,5 milljónir króna umfarm það sem áætlað var.
Þar af leiðandi verður framlag  Framtíðarsjóðsins til aðalsjóðs lækkað úr 145,7 milljónum í  73,3 milljónir. Breytingar á fjármagnsliðum verða neikvæðar um  57,1 milljón sem af stærstum hluta er vegna fjármagnstekjuskatts ársins 2009. Afborgun langtímalána lækkar um  6,2 milljónir vegna verðlagsbreytinga.
Breyting á fjárfestingum, kostnaður vegna byggingu Gerðaskóla er  41,2  m.kr. lægri en áætlað var og munar þar mestu um endurgreiddan virðisaukaskatt.
Fráveitan er  4 m.kr.  hærri en áætlun gerði ráð fyrir.  Áætlaður kostnaður  við 1. áfanga skólalóðar Gerðaskóla er  52,8 m.kr.