Garður: Fjórhjól og krossara af göngustígum og götum

Umhverfisnefnd Sveitarfélagsins Garðs hefur áhyggjur af akstri fjórhjóla og mótorcrosshjóla í byggðarlaginu. Á fundi nefndarinnar nú nýverið kom til tals mikil eign Garðmanna á þessum hjólum.
Í fundargerð nefndarinnar segir að nauðsynlegt sé að fræða þá sem nota slík hjól um hætturnar sem þeim fylgja. „Slík faratæki eiga ekki heima á götum eða göngustígum bæjarins“.