Garðskáli gjöreyðilagðist í eldi
Garðskáli við Álftatjörn í Innri-Njarðvík gjöreyðilagðist í eldi í gær. Slökkviliði Brunavarna Suðurnesja barst útkall á tólfta tímanum í gærkvöldi. Þegar viðbragðsaðilar komu á vettvang var skálinn alelda.
Eldurinn var mikill en vindar blésu þannig að nálæg hús sluppu við eldtungurnar.
Slökkvistarfið gekk vel en skálinn er gjörónýtur eftir brunann.
