Garðmenn skoða fjölnota íþróttahús

Markaðs- og atvinnumálanefndin í Garði er þessar vikunar að skoða hugmyndir um fjölnota íþróttahús í Garði. Þá kanna menn einnig möguleika á viðbyggingu við íþróttahúsið í Garði.

Pétur Bragason hjá Verkmætti, verkfræðistofu í Garði, sýndi og ræddi hugmyndir og kostnaðaráætlanir að þessum byggingum á fundi nefndarinnar í síðustu viku

Hugmyndin er að verkefnin geti nýst atvinnulífinu í Garði á næsta ári til að mæta því mikla atvinnuleysi sem hér er og að hér gæti verið um samvinnuverkefni að ræða. Ákveðið að skoða málin enn frekar og skoða rekstarkostnað og fl. betur.


Myndin er af fjölnota húsi í Grindavík á byggingatíma.