Gamlar bæjarskrifstofur rifnar

Gömlu bæjarskrifstofurnar í Njarðvík, sem síðast hýstu skrifstofur Sambands sveitarfélaga á Suðurnesjum, eru ekki svipur hjá sjón. 

Verktakar eru langt komnir með að rífa bygginguna, sem nú víkur fyrir nýrri verslun Húsasmiðjunnar og Blómavals, sem byggðar verða á Fitjum og munu tengjast verslunum Bónus og Hagkaupa.

Meðfylgjandi mynd var tekin í gærkvöldi, en í morgun var hafist handa við að brjóta bygginguna niður. Gert er ráð fyrir því að húsið verði horfið síðar í dag.

VF-mynd: Hilmar Bragi