Gamla Sundhöll Keflavíkur í rúst eftir skemmdarvarga

Skemmdarvargar virðast leika lausum hala í Sundhöll Keflavíkur. Byggingin hefur staðið auð og yfirgefin í nokkra mánuði. Þar innandyra hefur nú allt verið brotið og bramlað.

Í hópnum „Björgum Sundhöll Keflavíkur“ á fésbókinni eru birtar nokkrar myndir innan úr Sundhöll Keflavíkur og þar sést vel hvernig ástandið er.

Ragnheiður Elín Árnadóttir, sem leitt hefur hópinn sem reyndi björgun Sundhallar Keflavíkur skrifar við myndirnar:

„Æji...af hverju þetta virðingarleysi? Hefði kannski verið möguleiki á að staldra aðeins við og koma menningarverðmætum í var áður en hafist er handa við niðurrif?“

Svona er umhorfs við sundlaugina. Myndir af fésbókarsíðu.