Fyrsta tölublaðið á nýju ári frá Víkurfréttum

Víkurfréttir hafa gefið út sitt fyrsta tölublað á nýju ári. Tuttugu og fjórar síður af 1. tölublaði 42. árgangs Víkurfrétta fóru í prentun í kvöld en blaðinu verður dreift á alla okkar helstu dreifingarstaði í fyrramálið.

Í fyrsta blaði ársins er nokkuð ítarleg umfjöllun um baráttuna við Covid-19 á Suðurnesjum og fyrstu bólusetninguna.

Fréttamyndir ársins 2020 eru birtar á fjórum síðum í blaði vikunnar og þá hefur verið tekinn saman íþróttaannáll Suðurnesja.

Fyrsta barn ársins fæddist í Sandgerði í heimafæðingu. Sagt er frá henni í blaðinu og þar eru líka fjölmargar fréttir af viðburðum síðustu daga.

Rafræn útgáfa blaðsins er aðgengileg hér að neðan.