Fyrsta hjúkrunarheimilið opnar í ársbyrjun 2014

„Við stefnum á að opna nýtt hjúkrunarheimili í Reykjanesbæ í ársbyrjun 2014. Þetta er í raun fyrsta sérbyggða hjúkrunarheimilið í Reykjanesbæ,“ sagði Árni Sigfússon á íbúafundi í Reykjanesbæ í vikunni.

Heimilið er ætlað öldruðum Suðurnesjabúum sem þurfa á því að halda og býður 60 hjúkrunaríbúðir.

„Í nóvember sl. var leitað til Velferðarráðuneytisins um að auka byggingarstærðina í 80 íbúðir, enda mun hagkvæmari stærðareining fyrir ríkið, sem greiðir fyrir rekstur hjúkrunarheimila,  en ráðuneytið afgreiddi ekki erindið þrátt fyrir ítrekanir og ekki lengur unnt að bæta við fjórðu hæðinni, eins og til stóð, nema með umtalsverðum aukakostnaði,“ sagði Árni Sigfússon.