Fyrirtæki loka fyrr vegna veðurs

Öllum útibúum Landsbankans hefur verið lokað vegna yfirvofandi veðurs. Í Reykjanesbæ var skellt í lás núna kl. 12 á hádegi og bankinn opnar ekki aftur fyrr en kl. 09 í fyrramálið.

Einar Hannesson útibússtjóri í Reykjanesbæ sagði um samræmda aðgerð að ræða.

Sporthúsið lokar fyrr

Einhver fyrirtæki loka einnig sökum veðurs en við munum flytja fréttir af því hér .

Sporthúsið á Ásbrú í Reykajnesbæ lokar klukkan 16:00 í dag sökum veðurs, en eins og kunnugt er spáð ofsaveðri þegar líður á daginn og hefur Ríkislögreglustjóri lýst yfir óvissustigi um land allt. 

Í tilkyningu frá Sporthúsinu segir: „Að sjálfsögðu setjum við öryggi starfsmanna og viðskiptavina í forgang og tökum enga áhættu við aðstæður sem þessar. Gætið þess að fara varlega og vera komin tímanlega á áfangastað.“

Á fundi Almannavarnarnefndar í hádeginu var ákveðið að loka öllum stofnunum í Reykjanesbæ frá kl. 18 í kvöld. Einnig mun það gilda um strætó.

Búið að fresta bikarleikjum kvöldsins í körfubolta en leika átti í Powerade-bikar karla.

Nýr leikdagur leikjanna er á morgun þriðjudag kl. 19.15.

8. desember Keflavík-Valur kl. 19.15
8. desember Hamar-Njarðvík kl. 19.15