Fyllti innkaupakerru af varningi og stal

Þjófnaður úr verslun í Reykjanesbæ hefur verið kærður til lögreglunnar á Suðurnesjum. Eftirlitsmyndavélar í versluninni sýna hvar karlmaður kom inn með innkaupakerru, fyllti hana af varningi, gekk að sjálfsafgreiðslukassa, tók þar burðarpoka sem hann lagði ofan á vörurnar í kerrunni og gekk svo út með hana án þess að borga.

Meðal þess hann tók voru 19 pakkar af kjúklingabringum, kassi af Pepsi Max svo og mikið magn af matvælum og hreinlætisvörum.

Maðurinn sem grunaður er hefur komið við sögu á höfuðborgarsvæðinu vegna þjófnaðarmála.