Fundu hund flæktan í gaddavír í Grófinni

Félagarnir Guðmundur Ingi Margeirsson og Garðar Björgvinsson eru sannar hvunndagshetjur. Um nýliðna helgi fundu þeir félagar lítinn hund flæktan í gaddavír í Grófinni og var hann illa á sig kominn. Með hjálp Óskars Halldórssonar lögreglumanns og íbúa í nágrenninu tókst að bjarga hundinum. Var honum komið á K-9 hundahótelið og stóð til að reyna að hafa uppi á eiganda hundsins í þessari viku.

Siglfirðingurinn Þórir Kr. Þórisson sendi okkur meðfylgjandi myndir af björgunaraðgerðum. Eins og sjá má á gaddavírsflækjunni á einni myndinni, þá getur svona rusl á víðavangi verið hættulegt bæði dýrum og börnum.

Guðmundur Ingi Margeirsson og Garðar Björgvinsson með hundinn.

Gaddavírsflækjan sem hundurinn var fastur í.