Fundu hass í Keflavík

Tveir karlmenn voru handteknir í íbúð í Reykjanesbæ sl. fimmtudag. Á þeim fannst lítilræði af kannabisefnum. Fíkniefnalögreglan gerði húsleit, þar sem rökstuddur grunur var fyrir því að fíkniefni væru falin í íbúðinni. Eitthvert magn kannabisefna fannst til viðbótar auk áhalda til fíkniefnaneyslu. Mennirnir voru færðir í yfirheyrslu, auk fleiri aðila sem taldir eru tengjast málinu. Málið er í rannsókn.