Fullur, próflaus og á stolnum bíl

Lögreglan á Suðurnesjum handtók í nótt mann á þrítugsaldri eftir að hann varð uppvís að innbroti á heimili í Reykjanesbæ.  Maðurinn var í annarlegu ástandi og  er vistaður í fangageymslu þar til hægt verður að yfirheyra hann.
Þá var maður handtekinn í gær  eftir að hafa verið stöðvaður á Reykjanesbraut. Í ljós kom að hann var sviptur ökuréttindum og er hann jafnframt  grunaður um akstur undir áhrifum fíkniefna.  Síðar kom í ljós að bifreiðin sem hann ók var stolin.  Maðurinn er vistaður í fangageymslu uns hægt verður að yfirheyra hann.