FS mætir FG á RÚV annað kvöld
- í 8 liða úrslitum í Gettu betur.
Lið Fjölbrautaskóla Suðurnesja mætir liði Fjölbrautaskólans í Garðabæ í 8 liða úrslitum í Gettu betur, spurningakeppni framhaldskólanna.
Í fyrstu umferð keppninnar töpuðu FS-ingar fyrir liði Flensborgarskóla en komst áfram í aðra umferð sem stigahæsta tapliðið. Í næstu umferð sigraði FS lið FSU og komst þannig í 8 liða úrslit sem fara fram í Sjónvarpinu.
Lið skólans skipa Alexander Hauksson, Bjarni Halldór Janusson og Helga Vala Garðarsdóttir. Varamenn og liðsstjórar eru Brynjar Steinn Haraldsson og Tinna Björg Gunnarsdóttir. Þjálfari liðsins er Grétar Þór Sigurðsson.
