Fresta þurfti æfingu Björgunarsveitarinnar Suðurnes
Hætta þurfti við fyrstuhjálparæfingu Björgunarsveitarinnar Suðurnes og Landhelgisgæslunnar þar sem þyrlan, TF-LIF, þurfti að sinna útkalli. Farið var í sjúkraflug þar sem spænskur sjómaður var sóttur um borð í togarann Eirado do Costal.
Vonast eftir því að hægt verði að framkvæma æfinguna um næstu helgi. Markmið hennar er að æfa sveitina í fyrstuhjálp og sjá hvernig til tekst að koma búnaði á milli staða.
Nálægðin við Keflavíkurflugvöll gerir það að verkum að Björgunarsveitin Suðurnes er með fyrstu björgunarsveitum sem koma á vettvang ef stórslys verða þar. Því er mikilvægt að allir séu vel æfðir og undirbúnir.
VF-mynd/Margrét
