Franskir sjóliðar streyma í Voga
- kvenfélagskonur sendar til Spánar
Franskir sjóliðar af freigátunni Larouche Tréville munu streyma í Voga nú síðdegis til að leika rugby við landslið Íslands en leikurinn fer fram á velli Þróttar í Vogum kl. 18.
Heimamenn í Vogum beittu mikilli herkænsku gegn Frökkunum og vilja alls ekki að frönsku sjóliðarnir séu að blikka kvenþjóðina í Vogum. Þannig eru kvenfélagskonur í Kvenfélaginu Fjólu í Vogum farnar til Spánar og verða því víðsfjarri þegar sjóliðarnir þramma í bæinn í dag.
