Framvísaði fölsuðu ökuskírteini

Ökumaður, sem lögreglan á Suðurnesjum hafði afskipti af um helgina þar sem hann virti ekki stöðvunarskyldu, framvísaði ökuskírteini sem grunur leikur á að hafi verið falsað. Maðurinn hefur dvalið hér um nokkurra mánaða skeið. Ökuskírteinið var haldlagt og sent til rannsóknar hjá vegabréfarannsóknarstofu lögreglunnar á Suðurnesjum.

Þá voru þrír ökumenn stöðvaðir vegna gruns um að þeir ækju undir áhrifum fíkniefna. Einn þeirra var einnig grunaður um ölvunarakstur.