Framlínan fékk kleinur

„Í þessu öllu saman má ekki gleyma að minnast á þessa “litlu” hluti sem skipta okkur svo miklu máli, að finna fyrir samtakamætti allra er magnað.“ Þetta skrifar lögreglan á Suðurnesjum í færslu á Facebook síðdegis.

„Stelpurnar í 4.flokk RKVN hafa verið að steikja kleinur alla helgina til að fjármagna utanlandsferð sem þær eru að fara í næsta sumar 
Þær kleinur sem voru umfram pantanir, fóru þær með og gáfu okkar framlínufólki sem standa vaktina fyrir Grindvíkinga á þessum tímum “

Á myndinni má sjá þær Dórótheu Sjöfn, Margréti Viktoríu og Kristrúnu Ýr fyrir hönd RKVN.

„Takk fyrir okkur kæru stelpur og gangi ykkur vel í boltanum ,“ skrifar lögreglan.