Framkvæmdir við stíga í Vogum

Unnið er að framkvæmdum við stíga í Vogum á meðan veður leyfir. Efnt var til verðkönnunar um daginn meðal verktaka um lagfæringu gamla Stapavegarins frá Stofnfiski upp á Vogastapa. Sá vegur hefur ekki verið í góðu standi undanfarið en til stendur að gera stíg í vegstæðinu sem mun þá nýtast bæði gangandi og hjólandi vegfarendum. Landið er í eigu fleiri eigenda en sveitarfélagsins og nú er beðið eftir heimild annarra landeigenda svo framkvæmdir geti hafist.