Framkvæmdir við 3ja milljarða króna fiskeldisstöð að hefjast á Reykjanesi

Fyrsta skóflustungan að nýrri fiskeldisstöð við hlið Reykjanesvirkjunar verður tekin um miðjan mánuðinn. Framkvæmdir við stöðina kosta um 3 milljarða króna en gert er ráð fyrir að fyrsti áfangi stöðvarinnar verði tilbúinn í haust. Í stöðinni verður ræktuð senegalflúra á vegum fyrirtækisins Stolt Sea Farm

Nú er unnið að frágangi byggingarnefndarteikninga og allar skipulagssamþykktir liggja fyrir. Samkvæmt samkomulagi við HS Orku þarf fyrsti áfangi stöðvarinnar að fara í gang í ágúst nk. þannig að menn þurfa og ælta að láta hendur standa fram úr ermum.

Umtalsverðar bygginga- og vegaframkvæmdir verða á svæðinu vegna byggingar fiskeldisstöðvarinnar og verkefnið talið góð innspýting í atvinnulífið á Suðurnesjum.

Árni Sigfússon, bæjarstjóri í Reykjanesbæ segir samstarf bæjarins, Stolt Sea Farms og HS Orku með miklum ágætum.