Fræsing og malbikun í Reykjanesbæ og vegum lokað
Föstudaginn 29. júní verður unnið að fræsingu malbiks og malbikun á vegakafla á Hafnargötu og Njarðarbraut. Um er að ræða kaflann frá hringtorgi á mótum Hafnargötu, Víkurbrautar og Faxabrautar og til og með hringtorgi á mótum Hafnargötu, Þjóðbrautar og Njarðarbrautar.
Á Njarðarbraut er það kaflinn frá hringtorginu á mótum Hafnargötu og Þjóðbrautar að Hafnarbraut á móts við Nesvelli.
Vegaköflunum verður lokað og hjáleiðir merktar. Viðeigandi merkingar verða settar upp meðan á framkvæmd stendur. Búast má við lítilsháttar umferðartöfum.
Áætlað er að framkvæmdir á þessum tveimur vegaköflum standi yfir á tímabilinu 8:00 til 17:00.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.
