Forskóladeild fyrir fimm ára börn til skoðunar

Á fundi bæjarstjórnar Reykjanesbæjar þann 18. maí síðastliðinn var lögð fram tillaga um að fræðslusviði Reykjanesbæjar yrði falið að kanna kosti, galla og kostnað við að bjóða upp á forskóladeild fyrir fimm ára börn í sveitarfélaginu og óskaði bæjarráð í kjölfarið eftir því að fræðsluráð tæki málið til skoðunar. Fræðsluráð bæjarins hefur falið sviðsstjóra fræðslusviðs og leikskólafulltrúa að undirbúa kynningu um málið fyrir næsta fund fræðsluráðs.