Forsetinn: Tískutröll segja buffið vera málið!

„Ég hef heyrt frá miklum tískutröllum að þetta sé málið,“ sagði Guðni Th. Jóhannesson, forseti Íslands, þegar hann setti upp forláta buff sem honum áskotnaðist á dögunum. Forsetinn var í Reykjanesbæ í gærdag og tók þátt í kyndilhlaupi lögreglumanna í tilefni af Íslandsleikum Special Olympic.

 

Hlauparar í kyndilhlaupinu gerðu stutt stopp á hlaupinu við slökkvistöðina í Reykjanesbæ. Þar svifu Víkurfréttamann á forsetann og ræddu við hann um heimsóknina til bæjarins þar sem Guðni hafði tekið þátt í hlaupinu. Að sjálfsögðu var Guðni spurður hvort hann væri ekki með buffið góða. Viðbrögðin má sjá í meðfylgjandi myndskeiði.

 

Viðtalið í heild og fjölmargt annað má sjá í næsta þætti af Suðurnesjamagasíni á Hringbraut á fimmtudagskvöld kl. 21:30.