Forsetinn hleypur í kyndilhlaupi fyrir Íslandsleika Special Olympics

Íslandsleikar Special Olympics í knattspyrnu fara fram í Reykjaneshöllinni á sunnudaginn, 27. nóvember. Lögreglan verður með kyndilhlaup á undan leikunum en að þessu sinni ætlar forseti Íslands, Guðni Th. Jóhannesson, að slást í hópinn og hlaupa með lögreglumönnum. Áætlað er að kyndillinn verði tendraður við Lögreglustöðina við Hringbraut kl. 13:30 og leikarnir hefjast kl. 14.