Forðaði árekstri við kött
– en hafnaði í árekstri við annan bíl
Árekstur varð um helgina þegar köttur hljóp í veg fyrir bifreið í Njarðvík. Ökumaðurinn stöðvaði bifreiðina til að keyra ekki yfir köttinn og við það hafnaði önnur bifreið aftan á henni.
Þá urðu nokkrir ökumenn staðnir að hraðakstri eða að sinna ekki stöðvunarskyldu. Loks voru skráningarnúmer fjarlægð af bifreiðum sem voru ýmist óskoðaðar eða ótryggðar.
