Flutt á Landspítala eftir slys á Vogavegi

Konan sem meiddist í slysinu á Vogavegi í dag var færð á bráðamóttöku Landspítala Háskólasjúkrahúss þar sem hún verður undir eftirliti í nótt.

Samkvæmt frétt á vef Morgunblaðsins er líðan hennar stöðug en slysið varð með þeim hætti að bíll hennar fór yfir á rangan vegarhelming og hafnaði á bíl sem kom úr gagnstæðri átt.