Flugvél í hættu vegna nefhjóls
Flugvél frá bandaríska flughernum lenti heilu og höldnu á Keflavíkurflugvelli eftir að nefhjól hafði snúist eftir flugtak frá Keflavíkurflugvelli. Fjórir voru um borð og sakaði ekki. Hún lenti á Keflavíkurflugvelli kl. 15.50 eftir að hafa losað eldsneyti í háloftunum í nokkurn tíma. Hættuástandi var lýst yfir en því var aflýst fljótlega eftir lendingu.
Lendingin tókst vel en flugmaðurinn keyrði vélinni inn á akbraut. Rannsóknanefnd samgöngumála rannsakar málið en hún var mætt á staðinn.
Sjúkrabílar og lögregla voru á Keflavíkurflugvelli vegna hættuástandsins. VF-myndir/pket.
