Flugeldasýningu frestað í Grindavík
- þrettándagleði haldin í íþróttahúsinu
Þrettándagleði Grindvíkinga er í dag þriðjudaginn 6. janúar. Að venju munu grindvískir krakkar banka upp á í heimahúsum og fyrirtækjum og sníkja sælgæti og síðan verður skemmtun í íþróttahúsinu síðdegis. Hins vegar verður flugeldasýningu Björgunarsveitarinnar Þorbjarnar frestað vegna veðurs þangað til síðar í vikunni.
Dagskrá þrettándagleðinnar í Grindavík hefst með upphitun í íþróttahúsinu kl. 18 en formleg dagskrá hefst kl. 19. Nánari upplýsingar eru á vef Grindavíkurbæjar.
